KA/Þór fékk útileik á móti FH í Eimskipsbikarnum

Nú í hádeginu var dregið í leiki bikarkeppninnar, hjá konunum fékk lið KA/Þór útileik gegn FH en þess er skemmst að minnast að stelpurnar í KA/Þór unnu einmitt FH liðið í KA heimilinu í síðustu umferð N1-deildarinnar. Kvennaleikirnir verða 15. og 16. nóvember.

Fram og Valur sitja hjá í þessari umferð en leikir kvennaliðanna eru sem hér segir:
Víkingur - Selfoss
Grótta - ÍR
Afturelding - ÍBV
HK - Fylkir
Haukar - Stjarnan
FH - KA/Þór

Fram og Valur sitja hjá en leikirnir í kvennaflokki eiga að fara fram 15. og 16. nóvember.

Ásdís Sigurðardóttir skorar gegn FH í sigurleiknum í KA heimilinu,

Eimskipsbikar karla
Óhætt er að segja að karlalið Akureyrar fái einnig verðugt verkefni í 16 liða úrslitum karlaliðanna. Sömuleiðis fengu þeir útileik gegn Íslandsmeisturum FH sem var kannski ekki óskaniðurstaðan en engu að síður staðreynd.

Leikdagurinn hefur ekki verið ákveðinn en karlaleikirnir eiga að fara fram 13. eða 14. nóvember.

Leikir 16-liða úrslita karla eru sem hér segir:
Afturelding - Grótta
ÍR - Valur
Hörður - Heimsliðið (Stjarnan 2)
FH - Akureyri
Stjarnan - HK
Valur 2 - Fram
ÍBV 2 - HK 2
ÍBV – Haukar.