Handboltamót 5. flokks drengja yngra ár - ferðasaga

5. flokkur drengja yngra ár fór í sína aðra keppnisferð í vetur til Reykjavíkur um síðustu helgi, 19-20 nóv. Nú var ferðinni heitið í Gróttuheimilið þar sem mótið var haldið að þessu sinni. Handboltalið KA var með tvö lið og spilaði KA1 í 2. Deild og KA2 í 4.deild.

Haldið var af stað á föstudeginu um kl.17.00 með rútu og gist í gistiheimilinu BB-44 í Kópavogi. Ræst var  kl. 6.30 á laugardagsmorguninn og brunað af stað út á Seltjarnarnes, strax að morgunmat loknum, þar tók við stíf spilamennska strax kl. 8 og spilaði KA1 5 leiki og KA2 4 leiki til kl. 13.30. Spennan var mismikil í leikjunum og drengirnir misjafnlega upplagðir, KA1 átti erfitt með að finna taktinn í fyrstu leikjunum á meðan KA2 spilaði mjög vel, enn allt endaði þetta nú vel.  KA1 varð í 4.sæti í sinni deild og mun því keppa aftur í 2. deild á næsta móti og KA2 urðu í 2. Sæti, töpuðu aðeins einum leik og munu því færast upp um deild og keppa í 3.deild.
Farið var svo uppí rútu aftur að lokinn sturtu og lagt af stað heim með viðkomu í Borgarnesi  til að næra sig aðeins, allir komu sáttir heim á laugardagskvöldið og reynslunni ríkari.

 

Frá leik gegn Fram, það er Sólon Arnar Kristjánsson sem svífur hér inn af línunni. Mynd: Þorgeir.

Við vonumst til að geta birt fleiri myndir síðar.