Handboltafréttir / Skómarkaður

Þá er fyrsta  vika handboltatímabilsins liðin og er mæting á æfingar mjög góð, gaman að sjá hvað bæði strákar og stelpur eru áhugasöm og hafa gaman  á æfingum.  Allir krakkar eru velkomnir að koma og prófa.  Í vetur ætlum við að reyna að setja upplýsingar um starfið hér á heimasíðu KA og verður þá vonandi auðveldara að fylgjast með því sem er að gerast  hjá okkur.

Nú er einmitt tíminn sem menn eru að velta fyrir sér kaupum á innanhússkóm.  Skórnir frá síðasta vetri orðnir of litlir, þó þeir séu svo til óslitnir og dýrt að kaupa nýja.  Við ætlum því að bjóða upp á skiptimarkað með innanhússkó , næstkomandi laugardag.

Fyrir hvert innlagt par af skóm fæst 1.000 kr. inneign upp í annað par sem kostar 2.000 kr. þarf því að borga 1.000 kr.  á milli.  Tekið verður á móti skóm í K.A. heimilinu föstudaginn 10/9 kl. 16:00-18:00

Salan verður svo í K.A. heimilinu laugardaginn 11/9 kl. 10:00-12:00  ATH: við verðum ekki með posa.

Vonandi hjálpar þetta foreldrum að fá skó á góðu verði fyrir veturinn.

Stelpurnar okkar í KA/Þór í 3. flokki eru að spila í forkeppninni kl. 11 og 12 á laugardaginn, þannig að  það er um að gera að slá tvær flugur í einu höggi, koma og hvetja þær og ná sér í skó á góðu verði.

Frekari upplýsingar hjá Siggu í síma 892-2612 sigga@framtal.com

Handboltakveðjur, Unglingaráð handknattleiksdeildar K.A.