Bikarúrslitahelgi. 3 flokkur karla í úrslitum

Næstkomandi helgi er bikarúrslitahelgi HSÍ.  Akureyringar eiga tvö lið í úrslitum þetta árið.  Lið Akureyri Handboltafélags í meistaraflokki karla og  KA í 3. flokki karla.  3. flokks strákarnir okkar, undir stjórn Einvarðar Jóhannssonar, gerðu sér lítið fyrir og sigruðu Stjörnuna í undanúrslitum 35-28.

Nú er næsta verkefni úrslitaleikurinn  og eru andstæðingarnir lið Vals.  Leikurinn fer fram í Laugardalshöllinni, sunnudaginn 27. febrúar klukkan 15:00.  Það er því tilvalið að slá tvær flugur í einu höggi ef menn eru í höfuðborginni, hvetja Akureyri Handboltafélag á laugardaginn kl. 16:00 og KA á sunnudaginn kl. 15:00

Strákarnir munu örugglega standa fyrír sínu um helgina.

Fyrir þá sem ekki verða í Reykjavík má benda á að leikurinn verður sýndur í beinni útsendingu á netinu http://www.sporttv.is/ frábært framtak hjá SportTV.is  en þeir sýna alla bikarúrslitaleiki yngri flokka í beinni útsendingu.

Jónatan kom með bikarinn norður árið 2004 - kemur Heimir með hann 2011?

Allar upplýsingar um leik Akureyri Handboltafélags má finna á http://akureyri-hand.is/bikarurslit2011/

 Áfram KA!
 Áfram Akureyri Handboltafélag!