Öruggur 3-0 sigur KA gegn Stjörnunni um helgina

KA lagði lið Stjörnunnar nokkuð örugglega um helgina.  Hilmar Sigurjónsson fyrrum KA maður mætti á gamla heimavöllinn en gat lítið gert við sigri KA í leiknum.  Heimamenn unnu leikinn örugglega 3-0.  

KA átti ekki í neinum vandræðum með Stjörnuna um helgina en úrslit leiksins urðu 3-0 heimamönnum í vil.  Í lið Stjörnunnar vantaði tvo sterka leikmenn en Stjarnan var aldrei líklegt til leggja heimamenn að velli.  Hrinurnar fóru 25-20, 25-19 og 25-21.  Í liði KA var það Jóhann Eiríksson sem átti sinn besta leik í vetur en hann var næst stigahæstur á eftir Piotr Kempisty með 10 stig.  Í liði Stjörnunnar voru það Róbert Hlöðversson og fyrrum KA maðurinn Hilmar Sigurjónsson sem áttu þokkalegan leik.

Með sigrinum héldu KA-strákar toppsætinu en fast á hæla þeirra kemur HK, með jafnmörg stig eftir sigur á Fylki um helgina.  HK á tvo leiki eftir, við Þrótt og KA, og vinni liðið Þrótt og KA vinnur sinn leik við Fylki verður hreinn úrslitaleikur í Kópavogi um deildarmeistaratitilinn þann 26. mars n.k.

Áfram KA