Myndaveislur frá heimasigrum í blakinu
Karla- og kvennalið KA hófu blaktímabilið á góðum heimasigrum og býður Þórir Tryggvason ljósmyndari upp á myndaveislu frá báðum leikjum. Við kunnum honum bestu þakkir fyrir framtakið og virkilega gaman að renna yfir myndir hans frá leikjunum.
Karlarnir unnu háspennusigur í oddahrinu á Þrótti Fjarðabyggð eftir að gestirnir höfðu leitt 1-2 eftir fyrstu þrjár hrinurnar. En eins og svo oft áður sýndi KA liðið flottan karakter og sneri erfiðri stöðu við og tryggðu sér dýrmætan sigur.
Smelltu á myndina til að skoða myndir frá leik KA og Þróttar Fjarðabyggðar
Strákarnir spila svo aftur í kvöld þegar Þróttur Vogum mætir í KA-Heimilið klukkan 20:00.
Þá vann kvennalið KA 3-1 sigur á Þrótti Reykjavík á miðvikudaginn og hóf þar með tímabilið á þremur stigum. Stelpurnar leika svo gegn HK í KA-Heimilinu á miðvikudaginn næsta og verður svo sannarlega spennandi að fylgjast með þeirri baráttu enda hafa liðin mæst í svakalegum leikjum undanfarin ár.
Smelltu á myndina til að skoða myndir frá leik KA og Þróttar Reykjavík
Nánari umfjöllun um leik stelpnanna sem og myndaveislu frá Agli Bjarna Friðjónssyni má finna með því að smella hér.