KA vann sigur á haustmóti BLÍ um helgina

Haustmót BLÍ var haldið um helgina í Fagralundi í Kópavogi hjá HK. Mótið var hið glæsilegasta og var spilað í tveimur deildum í kvennaflokki og einni deild í karlaflokki. Alls tóku 26 lið þátt í mótinu.  Karlalið KA gerði sér lítið fyrir og vann karladeild mótsins.  Kvennalið KA hafnaði í 3 sæti í 2. deild mótsins.

Karlaliðið KA stóð sig vel á mótinu þrátt fyrir nokkrar breytingar á liðinu frá því í fyrra en tviburarnir öflugu Hafsteinn og Kristján Valdimarssynir hafa yfirgefið liðið og spila í vetur með danska liðinu Aalborg HIK.  Á móti kemur að KA liðið hefur fengið nýjan ungan og mjög efnilegan leikmann í sínar raðir. Sá heitir Jóhann Eiríksson og kemur frá Ólafsvík og er bróðir Hilmars Sigurjónssonar sem hefur verið einn af burðarásum KA liðsins síðustu 4 árin.  Von er á fleiri ungum og efnilegum leikmönnum til KA en meira um það síðar.

KA liðið vann alla sína leiki á mótinu 2-0 og var það helst lið Stjörnunnar sem stríddi liðinu.  Liðin í Reykjavík virðast töluvert breytt frá síðasta ári og bæði Stjarnan og Þróttur Reykjavík hafa misst sterka leikmenn. 

1. deild karla
Laugardagur 26. september 2009
Tími	Deild	Lið A	Lið B	Úrslit	Hrinur
16:15	1. Kk	KA	Afturelding	2-0	25-13,  25-16
17:45	1. Kk	HK -MFl.KK	KA	0-2	21-25, 22-25
18:30	1. Kk	KA	Stjarnan	2-0	25-23, 25-23
20:00	1. Kk	Þróttur R	KA	2-0	19-25, 19-25

 

Kvennalið KA mun í vetur spila í 1. deild eftir tveggja ára veru í 2. deild.  Liðið spilaði þó í 2. deild á haustmótinu þar sem nokkrir af eldri leikmönnum liðsins áttu ekki heimangengt. Liðinu gekk ljómandi vel og vann alla sína leiki utan einn - fyrsta leikinn við Álftanes sem tapaðist 2-0  

2. deild kvenna
Laugardagur 26. september 2009
Tími	Deild	Lið A	Lið B	Úrslit
09:30	2. Kvk	KA	Álftanes A	0-2	19-21, 18-21
11:00	2. Kvk	umfg	KA	1-2	21-16, 12-21, 8-21
13:15	2. Kvk	KA	KMK	2-0	21-13, 21-12
14:45	2. Kvk	KA	HK utd.	2-0	21-19, 21-15
15:30	2. Kvk	ÍK B	KA	1-2	13-21, 22-20, 12-15