Fylkir hafði betur á endasprettinum

Úr leik KA og Fylkis. Mynd: Harpa Ævarrsd.

Kvennalið KA og Fylkis áttust við í Mizuno-deildinni um helgina.  Mikil barátta var í þeim leik og fór svo að gestirnir höfðu sigur eftir ótrúlegar sviptingar í oddahrinu.  KA leiddi hrinuna og lengi vel og komust t.d. í 8 – 1 en þá hrukku Fylkiskonur í gírinn og sigruðu  13 – 15.  Hinar hrinurnar fóru 25-20, 20-25, 25-16 og 12-25.  Stigahæstar heimakvenna voru Ásta Harðardóttir með 16 stig, Birna Baldursdóttir með 15  og Alda Ólína Arnarsdóttir með 14.  Hjá gestunum var Rachel Dunlap langstigahæst með 28 stig.