Fréttir

N1-mót KA hefst á miðvikudaginn og verður mótið í ár það stærsta í sögunni en alls keppa 188 lið 840 leiki og eru þátttakendur um 1.900 á mótinu. N1-mótið er eitt aðalstolt félagsins og gríðarlega mikilvægt fyrir okkur að mótið fari vel fram

Við óskum þeim KA félögum sem eiga stórafmæli í júlí innilega til hamingju.

KA hlaðvarpið heldur áfram göngu sinni en að þessu sinni fara þeir Siguróli Magni Sigurðsson og Ágúst Stefánsson yfir síðustu leiki í fótboltanum hjá KA og Þór/KA ásamt því að ræða hinn gríðarlega mikilvæga toppslag hjá Þór/KA gegn Breiðablik á sunnudaginn. Þá hefur verið mikið líf á KA-svæðinu undanfarna daga og fara þeir að sjálfsögðu aðeins yfir þá hluti

Hinn vikulegi hlaðvarpsþáttur KA heldur að sjálfsögðu áfram en Siguróli Magni Sigurðsson og Birkir Örn Pétursson fá til sín magnaðan gest að þessu sinni en það er enginn annar en Gunnar Níelsson. Gunni segir nokkrar frábærar sögur tengdar KA og er alveg ljóst að Gunni þarf að mæta aftur enda mjög gaman að hlusta á það sem hann hefur að segja

Baráttan í Pepsi deildinni heldur áfram og á morgun sækir KA Íslandsmeistara Vals heim að Hlíðarenda. Leikurinn hefst klukkan 17:00 og hvetjum við að sjálfsögðu alla sem geta til að mæta á svæðið og styðja okkar lið til sigurs

Hlaðvarpsþáttur KA heldur áfram göngu sinni og að þessu sinni fá þeir Siguróli Magni Sigurðsson og Birkir Örn Pétursson til sín Tufa þjálfara KA í knattspyrnu og fara þeir félagar yfir feril Tufa sem og hvernig það var að koma frá Serbíu og til Íslands

Við óskum þeim KA félögum sem eiga stórafmæli í júní innilega til hamingju.

Við höfum þær gleðifréttir að hvítu KA sokkarnir sem hafa notið mikilla vinsælda í gegnum árin hjá okkur KA mönnum eru komnir aftur í sölu. Hægt er að koma upp í KA-Heimili og kaupa 3 pör í pakka á 3.000 krónur. Við hvetjum ykkur til að vera snögg að tryggja ykkur sokkana því takmarkað upplag er til

Það verður líf og fjör á KA-svæðinu sunnudaginn 3. júní en þá ætlum við að bjóða uppá skemmtun fyrir unga sem aldna. Hægt verður að prófa allar íþróttir sem iðkaðar eru undir merkjum KA en það eru að sjálfsögðu fótbolti, handbolti, blak, júdó og badminton

Áfram heldur hlaðvarpsþáttur KA en að þessu sinni fær Siguróli Magni Sigurðsson hann Ágúst Stefánsson með sér í þáttastjórnunina og fara þeir félagar yfir síðustu leiki hjá KA og Þór/KA. Þá mætir Jónatan Magnússon þjálfari KA/Þórs í handboltanum í heimsókn og fer yfir glæsilegan vetur hjá stelpunum og yngri flokkunum ásamt því að hann ræðir stöðu sína hjá A-landsliði kvenna.