Fyrsti heimaleikur strákanna í kvöld

KA tekur á móti Aftureldingu í fyrstu umferð úrvalsdeildar karla í blaki í kvöld klukkan 20:15.  Það er spennandi vetur framundan en töluverðar breytingar hafa orðið á KA liðinu frá síðustu leiktíð en þrátt fyrir það stóðu strákarnir vel í þreföldum meisturum Hamars í leik Meistara Meistaranna á dögunum.

Við minnum á að ársmiðasalan er í fullum gangi í Stubb sem og hjá leikmönnum en ársmiðinn gildir á alla heimaleiki karla- og kvennaliðs KA í úrvalsdeildinni. Ársmiðinn kostar einungis 12.000 krónur en einnig er hægt að verða sér útum eintak í miðasölunni fyrir leik kvöldsins.

Fyrir þá sem ekki komast í KA-Heimilið er leikurinn í beinni á KA-TV en aðgangur að útsendingunni kostar aðeins 800 krónur og er útsendingin aðgengileg á livey.events/ka-tv.