Leiktíðin 2020-2021

Þjálfari meistaraflokks karla var Filip Pawel Szewczyk og lék liðið í Mizunodeild karla. 

Kvennalið KA lék sömuleiðis í Mizunodeild og var þjálfari liðsins líkt og tímabilið á undan Miguel Mateo Castrillo.

Karlaliðið endaði í öðru sæti Íslandsmótsins og valdi Blaksamband Íslands Alexander Arnar Þórisson í úrvalslið Mizunodeildarinnar. Miguel Mateo Castrillo var verðlaunaður fyrir að vera stigahæsti leikmaður Mizunodeildar karla og þá fékk KA verðlaun fyrir bestu umgjörðina en Blakdeildin, sem og félagið í heild sinni hefur lagt mikla vinnu í kringum karla- og kvennaliðin okkar og afar gaman að sjá þá vinnu verðlaunaða.
Þá fékk Arnar Már Sigurðsson formaður Blakdeildar KA silfurmerki BLÍ fyrir ómetanlegt í þágu blakhreyfingarinanr.

Fréttasíðan blakfrettir.is valdi einnig sitt úrvalslið og þar voru bæði Alexander Arnar og Miguel Mateo valdir. Auk þess var Jóna Margrét Arnarsdóttir valin efnilegasti leikmaður kvennamegin en þrátt fyrir að vera einungis 18 ára gömul hefur Jóna spilað frábærlega í stöðu uppspilara.

Hér til hliðar er hægt að skoða leikmannahópa liðanna svo og yfirlit yfir úrslit allra leikja liðanna á tímabilinu og lokastöðu deildarkeppnanna.