Útileikur í Kaplakrika kl. 19:30 í kvöld

Baráttan heldur áfram í Olísdeild karla í handboltanum í kvöld er KA sækir FH heim í Kaplakrika klukkan 19:30. Það eru mikilvæg stig í húfi en FH er með 8 stig í 2.-5. sæti deildarinnar á sama tíma og KA er með 4 stig í 8. sætinu en á leik til góða á FH.

Strákarnir eru væntanlega ansi spenntir fyrir því að komast út á völlinn og svara fyrir svekkjandi tap á heimavelli gegn Aftureldingu á dögunum. KA liðið virtist vera með unnin leik í höndunum en slæmur kafli um miðbik síðari hálfleiks reyndist dýrkeyptur og því fór sem fór.

Engir áhorfendur eru leyfðir á leiknum og verður hann í beinni á FH-TV. Athugið að FH-TV er læst rás og kostar 9 evrur að horfa á útsendingu þeirra. Áhugasamir geta smellt hér til að nálgast útsendingu FH-TV.