Stórleikur hjá stelpunum í dag

Það er stórleikur á dagskránni í KA-Heimilinu í dag er KA/Þór tekur á móti Fram í Olísdeild kvenna klukkan 15:00. Fram vann bikarúrslitaleik liðanna í fyrra en KA/Þór hefndi fyrir tapið í leik Meistara Meistaranna og má svo sannarlega búast við hörkuleik!

Fyrir leikinn eru liðin jöfn að stigum en Fram á þó leik til góða og leikurinn því skólabókardæmi um fjögurra stiga leik. KA/Þór gerði virkilega vel í síðasta leik þar sem stelpurnar tryggðu sér dýrmætt stig gegn toppliði Vals á útivelli.

Athugið að engir áhorfendur eru leyfðir á leiknum en hann verður í beinni útsendingu á Stöð 2 Sport og því um að gera að senda góða straumi í gegnum sjónvarpið, áfram KA/Þór!