KA/Þór - ÍBV í beinni á KA-TV í dag

Hulda Bryndís er klár í slaginn!

KA/Þór tekur á móti ÍBV í Olísdeild kvenna í handbolta í KA-Heimilinu klukkan 14:00 í dag. Nú þegar deildin er hálfnuð eru stelpurnar okkar á toppi deildarinnar ásamt Val og Fram með 10 stig en lið ÍBV kemur þar rétt á eftir með 7 stig.

Liðin gerðu 21-21 jafntefli er þau mættust í Vestmannaeyjum og má búast við ansi erfiðum leik gegn sterku liði ÍBV. Það er spilað ansi þétt þessa dagana en stelpurnar okkar náðu jafntefli gegn Val á útivelli í síðustu viku og lögðu svo Fram að velli 27-23 í KA-Heimilinu.

Til að halda sér í baráttunni um toppsætið og til að passa uppá að þessi mikilvægu stig sem náðust gegn hinum toppliðunum þarf liðið því að halda áfram sama dampi og sækja tvö mikilvæg stig í dag.

Athugið að engir áhorfendur eru leyfðir á leik dagsins en hann verður í beinni á KA-TV og því um að gera að fylgjast vel með gangi mála, áfram KA/Þór!