KA fær Aftureldingu í heimsókn í kvöld

Þá er loksins komið að því að karlalið KA í handboltanum haldi áfram baráttunni í Olísdeildinni en í kvöld mætir lið Aftureldingar í KA-Heimilið. Þetta verður fyrsti leikur strákanna síðan 2. október en mikill spenningur er í hópnum og strákarnir eru klárir í slaginn!

Þetta verður fimmti leikur vetrarins hjá báðum liðum en KA er með 4 stig en Mosfellingar hafa 7 stig. Strákarnir voru óheppnir að ná ekki að hala inn fleiri stigum fyrir Covid pásuna og verður spennandi að sjá hvernig liðin mæta til leiks eftir þessa löngu pásu.

Leikurinn hefst klukkan 19:30 og athugið að engir áhorfendur verða leyfðir á leiknum en hann verður í beinni á Stöð 2 Sport, áfram KA!