ATH! 104 áhorfendur leyfðir í kvöld

ATHUGIÐ UPPFÆRT! Alls geta 104 fullorðnir mætt á leikinn í kvöld og verður aðeins ársmiðahöfum hleypt inn. Börn yngri en 16 ára telja ekki í þeirri tölu. Miðasala hefst 19:30 í kvöld og er einfaldlega fyrstur kemur fyrstur fær sem gildir.

KA tekur á móti HK í stórslag í Mizunodeild karla í blaki í KA-Heimilinu í kvöld klukkan 20:15. Það má búast við hörkuleik en liðin hafa barist um stærstu titlana undanfarin ár og berjast nú á toppi deildarinnar ásamt liði Hamars frá Hveragerði. Það er alveg ljóst að liðið sem tapar í kvöld á litla möguleika á að halda í við lið Hamars og því ansi mikilvæg stig í húfi.

Leikurinn verður í beinni útsendingu á KA-TV og hvetjum við ykkur til að fylgjast vel með gangi mála og vonandi getum við fengið fleiri í stúkuna á næsta leik, áfram KA!