Myndaveisla frá sigri KA á Aftureldingu

Frábær baráttusigur! (mynd: Þórir Tryggva)

KA vann dýrmætan sigur í toppbaráttu Mizunodeildar karla í blaki á miðvikudaginn er strákarnir lögðu Aftureldingu í háspennu lífshættuleik. Leikurinn fór að lokum í oddahrinu þar sem KA vann 15-11 með góðum endasprett eftir að jafnt hafði verið á öllum tölum.

KA hefur þar með unnið alla leiki sína eftir tap gegn liði Hamars í fyrstu umferð en Hamar er á toppi deildarinnar með fullt hús stiga. Framundan er stíf leikjadagskrá og mikilvægt að halda áfram að hala inn sigrum til að halda í við ógnarsterkt lið Hvergerðinga.

Þórir Tryggvason ljósmyndari var á leiknum gegn Aftureldingu og býður til myndaveislu frá herlegheitunum og kunnum við honum bestu þakkir fyrir framtakið.

Smelltu á myndina til að skoða myndir Þóris frá leik KA og Aftureldingar