Á morgun, sunnudag, fer fram hið glæsilega strandhandboltamót sem KA/Þór stendur fyrir og er hluti af fjölskylduhátíðinni Ein með Öllu. Keppt er í þremur flokkum og ljóst að mikil eftirvænting er fyrir þessu skemmtilega móti.

Krakkahóparnir hefja leik klukkan 10:45 en þar er keppt í yngri og eldri hóp. Fimm lið taka þátt í yngri hópnum en þar leika öll liðin einn leik á móti hvort öðru og fá því öll lið fjóra leiki á mótinu. Í eldri krakkahópnum eru átta lið og er leikið í tveimur fjögurra liða riðlum. Eftir þrjár umferðir mætast svo efstu tvö liðin í leik um gullið, næstu tvö um bronsið og svo framvegis. Öll lið fá því fjóra leiki.

Í kjölfarið kl. 14:00 tekur svo við flokkur fullorðinna en þar keppa átta lið og er sama fyrirkomulag á þeirri keppni og í eldri krakkahópnum.

Smelltu hér til að skoða leikjaplanið

Hver leikur er 10 mínútur og mikilvægt að við náum að halda plani og hvetjum við því liðin til að mæta tímanlega fyrir mót og halda sig á leikstað á meðan mótið fer fram.