Markalaust gegn FH

Mynd - Þórir Tryggva.

KA og FH gerðu í dag markalaust jafntefli á Akureyrarvelli í 13. umferð Pepsi-deildarinnar. Leikurinn var tíðindalítill og úrslit leiksins sanngjörn.

KA 0 – 0 FH

Lið KA:

Rajko, Hrannar Björn, Vedran, Callum, Darko, Aleksandar, Almarr, Hallgrímur Mar, Steinþór Freyr, Emil Lyng og Elfar Árni.

Bekkur:

Aron Dagur, Ólafur Aron, Ásgeir, Davíð Rúnar, Daníel, Archange og Bjarki Þór.

Skiptingar:

Elfar Árni út – Ásgeir inn (’72)
Steinþór Freyr út – Ólafur Aron inn (’78)
Hallgrímur Mar út – Archange inn (’91)

Leikurinn í dag hófst ekki líkt og síðustu þrír heimaleikir KA þar sem mörkin hrundu inn á upphafsmínútunum heldur var jafnræði með liðunum fyrsta hálftíma leiksins og virkuðu bæði lið frekar varnfærnisleg í aðgerðum sínum.

Á 38. mínútu átti Emil Lyng laglegan sprett upp miðjan völlinn og lét vaða á markið af þónokkru færi en skotið fór rétt framhjá markinu. Ekki er hægt að fara mörgum orðum um þennan fyrri hálfleik og voru bæði lið ólíkleg í sóknarleik sínum og tempóið í leiknum lítið. Staðan í hálfleik því markalaus.

Síðari hálfleikur hófst eins og sá fyrri á rólegu nótunum. Jafnræði og lítið um marktækifæri. Á 57. mínútu áttu hins vegar gestirnir úr Hafnarfirði hættulegt færi þegar að Þórarinn Ingi átti skalla í slá eftir flotta sendingu frá Davíð Þór utan af kannti. Liðin skiptust á að sækja á hvort annað það sem eftir lifði leiks en allt kom fyrir ekki og úrslit leiksins 0-0.

Nivea KA-maður leiksins: Vedran Turkalj (Flottur fyrsti leikur hjá Vedran fyrir KA. Hann og Callum stóðu sig vel í vörn KA í dag og héldu sóknarmönnum FH í skefjum. Almarr var einnig öflugur í dag.)

Næsti leikur KA er á miðvikudaginn næstkomandi þegar að liðið fer suður yfir heiðar og heimsækir Fjölnismenn í Grafarvoginn. Sá leikur hefst kl. 18.00 og hvetjum við alla KA menn að fjölmenna á þann leik. Áfram KA!