Toppslagur hjá stelpunum í kvöld

Mireia og stelpurnar eru klárar í slaginn!

Það er stórleikur í Mizunodeild kvenna í blaki í kvöld er KA tekur á móti HK klukkan 20:00. HK er ósigrað á toppi deildarinnar eftir fyrstu fjóra leiki sína en stelpurnar eru staðráðnar í að breyta því!

KA og HK hafa undanfarin ár barist grimmt um titlana kvennamegin og mættust einmitt í bikarúrslitum og úrslitum Íslandsmótsins veturinn 2018-2019 þar sem KA vann á endanum þrefalt. Það má heldur betur reikna með spennuleik í kvöld en KA getur með sigri fært sig nær Kópavogsliðinu á toppnum.

Athugið að engir áhorfendur eru leyfðir á leiknum en hann verður að sjálfsögðu í beinni á KA-TV, áfram KA!