Útileikur gegn Fylki í kvöld

KA mætir Fylki í Fylkishöllinni klukkan 18:15 í kvöld í Mizunodeild karla í blaki. Fylkismenn eru án stiga á botni deildarinnar rétt eins og Þróttur Vogum en hafa engu að síður átt fína spretti og verður leikur dagsins án efa krefjandi fyrir strákana okkar.

Eftir tap gegn liði Hamars í fyrstu umferð er KA búið að vinna næstu tvo leiki sína og þarf að halda áfram að hala inn mikilvægum stigum en Hamar og HK hafa unnið alla sína fimm leiki til þessa og sitja á toppi deildarinnar.

Athugið að engir áhorfendur eru leyfðir á leiknum en hann verður í beinni á streymissíðu Blaksambandsins á bli.is, áfram KA!