Ofurbikarinn um helgina - Ársmiðasalan hafin

Blaktímabilið hefst um helgina hér á Akureyri þegar Ofurbikarinn fer fram. Þar keppa fimm lið í karla- og kvennaflokki. Mótið hefst kl. 19:00 á föstudaginn en þá verður leikið í Naustaskóla og í Höllinni. Á laugardag og sunnudag er svo leikið í Höllinni og KA-Heimilinu.

Karlamegin leika KA, HK, Þróttur Nes, Afturelding og Fylkir en kvennamegin leika KA, Álftanes, Afturelding, HK og Þróttur Nes. Það er ljóst að spennandi mót er framundan og verður áhugavert að sjá standið á liðunum eftir hina löngu Covid pásu en baráttan í Mizunodeildunum hefst svo eftir um viku.

Þá bendum við á að ársmiðasalan í blakinu er hafin en ársmiðinn veitir aðgöngu á alla heimaleiki karla- og kvennaliðs KA í Mizunodeildunum í vetur og kostar einungis 8.500 krónur. Það er því eina vitið að verða sér útum miða og styðja vel við bakið á okkar frábæru og sigursælu liðum. Miðasalan er hafin hjá leikmönnum og stjórnarmönnum auk þess sem hægt er að verða sér útum miða í afgreiðslu KA-Heimilisins.

Athugið að ársmiðinn gildir einnig inn á alla leiki í Ofurbikarnum!

Föstudagur - Naustaskóli

Föstudagur - Íþróttahöllin

Laugardagur - KA-Heimilið

Laugardagur - Íþróttahöllin

Sunnudagur - KA-Heimilið

KA-TV mun sýna beint frá öllum leikjum á einum velli í KA-Heimilinu.