KA tekur á móti Aftureldingu í kvöld

Strákarnir þurfa á þremur stigum að halda

KA tekur á móti Aftureldingu í Mizunodeild karla í blaki í dag klukkan 20:15. Strákarnir unnu frábæran sigur á toppliði HK í síðustu umferð en þurfa nauðsynlega á öllum þremur stigunum að halda í kvöld til að halda sér í baráttunni á toppnum.

Gestirnir eru fyrir leikinn með aðeins 2 stig sem kemur ansi mikið á óvart en Mosfellingar eru með vel skipað lið og hafa til að mynda fyrrum leikmenn KA þá Quentin Moore og Sigþór Helgason auk þess sem að Piotr Kempisty stýrir liðinu.

Það má búast við erfiðum leik og þurfa strákarnir svo sannarlega á þínum stuðning að halda. Ef þú kemst hinsvegar ómögulega í KA-Heimilið þá minnum við á að leikurinn verður í beinni útsendingu á KA-TV, áfram KA!